أغاني الدلعونا

يا طير الطاير سلم عالديرة ///على القدس الشريف سلم عل بيرة
وتراب بلادي سجاد حريري/// والمييّ بلسم والبعد جنونا

يا طير الطاير يا طير الطاير/// السمرا و البيضا صاروا ضراير
بلبق للسمرا لبس الأساور/// و بلبق للبيضا كحل لعيوناا

على الدلعونا بلاد فلسطيني /// نسم هواها بكل المدينة
هذه بلادي بلاد أمينه/// الناصرة وطبريا وعين الزيتونا

يا بنت بلادي ارفعي الراس/// و احكي حكايتنا لكل الناس
شعبي ما همّو كتر المآسي /// و الغالي برخص لفلسطينااا

لما قالولي محبوبك شمل/// بطلت الطير الغريب اتأمل
لو طال شوقي وعلي طول/// ان شا الله برجع اسمر اللونا

على دلعونا وعلــــــــــــى دلعونــــــــــــا زيتـــــــــون بـــــــــــــــلادي أجمــــل مــــــا يكونــــــــــــا

ويلي دلعونا و ليش دلعنتيني/// و رهن رموشك ليش خليتيني
لو رحتي الشام و لو حتى الصين/// لا تظني فراقك سهل و مضمونا.

واجى لعنا بالطقم البني/// بده يتقل مش اتقل مني
والله لامه ما بكونلا كنة/// لو حزازوني حزوز الليمونا

يا ربي تشتي ونلبس طاقيـــة/// ونلبس جاكيت ونحمل شمسيــة
ونغني سوى يا فلسطينيـــــة ///وندبك عأحلا لحان الدلعونا

ويلي دلعونة يسلملي دربا ///كلماتا حلوة أحلى من مربّى
من سحرا القمرصاير يتخبّا/// و الورد الجوري يبعد من هونا

ولما حبيتا وفتحتلي قلبا/// شفت الشغلات الفيها ما حدا تنبا
أخذتلي عقلي و روحي عدربا ///و لسا ما شافت عينيّي عيونا

على دلعونا وليش دلعتيني ///عرفتيني مجوز ليش اخدتيني
لكتب كتابك عورق تيني/// واجعل طلاقك حب الزيتونا

على دلعونا وشفتك حليانة///دوبتي قلبي والله بثواني
علّوا يا حلوة تكوني رضياني/// ت خلّي عمري بإيدك مرهونا

قولي لأمك شعلان بناري/// فيكي مجنون وحالي عم داري
عم يمضى العمر ويلي وشحاري/// بيّك عاملّي عقدة بهالكونا

يا أبو الحطة البيضة والسودة/// علمت العالم معاني الفدى
اضرب يا فدائي ما يهمك حدا/// يا ابو الزند الأسمر اللونا

يا أهلا والله بكل البناتي ///الكم تحية من البناياتي
أان بعطيكم والله حياتي/// بس انتو امشو وما تلخبطونا

يا طير الطاير ..وصّل هالباقه ///لأهلي بغزة و قللن مشتاقه

ورودي عغيابون دبلاني وراقا/// وقلبي دقاتوا ولك زادو جنونا

يا بو لكلاشن لاخمس حديدي ///برصاصك ما في طريق بعيدي
وبصوت رصاصك العودة أكيدة/// لأرضك يافا وغزة الحنونا

]

صفوا الكراسي طاره ع طاره/// نادو حبيبي من وسط الحاره
حطو ا بحزامه سيف وشراره ///من خوف العدى ليبغضونا

صلوا ع النبي ياللي في السهره/// بتغنوا عا البيضه ولا عا السمرا
لاانا في البيضه ولا بالسمرا/// بدي حبيبي اسود العيونا

ويلي دلعونا ويلي دلعونا
بيتي عمّرتو ما بين عيونا

حُبك يا سمرة خبيتو بْروحي/// وإنتي عَذابي وبلسمْ جروحي
مطرحْ ما بدّك بعيوني رُوحي/// قلبي ع حسابك فيكي مجنونا

قلبا عفراقن زادت دقاتو/// بالغربة يما شوفي حالاتو
مهموم و ضايع زادت جمراتو/// و بنار الغربة عم يحرقونا

مشي معاي عالتله العالي/// بدي غنيلك اووف و ليالي
دخلك يا عيني تعالي قبالي/// و نغني سوا على دلعونا

ياجبل حايط ياجبل حايط/// عقل البنيه من الفرقه شايط
لاذبج لابوها سبع ربايط/// واذبح لامها كبش بقرونا

على دلعونا وليش دلّعتيني/// لبن الفِدائي يومْ رضّعتيني
خلّيتي فراقِكْ صَعْبُ وحزينِ/// سامحيني يا اُم الحُضنِ الحنونا

نسم تلانا يا هوا بلادي/// سلم علجبل سلم علوادي
مشتاق أشوفك يا أرض جدادي/// طالت الفرقة عللي حبونا

يا طير الطاير في الجو العالي/// عمري ما نسيتك دايم عبالي
جبلي من حيفا تفاح الغالي/// هتلي من القدس حبة زيتونا

من شارع يافا ولتل ابيب/// والبنت بتدرج ع القباقيب
وريتك ياحلوه حظي ونصيبي/// وانروح سياحه ع فلسطينا

يا شب الراكب عالبوسكليتي/// وقف احكيلك قصة حياتي
اعطيني محرمتك مسح عرقاتي/// ريحة محرمك عطر الليمونا

من البداوي لارسل تحية /// لفرقة جفرا التراثية
لعلي وعدنان والسمراوية ///لمي وعيسى روحي وعنية
جمانة وعلي مع الاسدية/// حسام وكل الي يعزفونا

بسم فرقتنا لأبعت تحية/// لكفر شوبا و الهبارية
و مخيم صبرا و الراشيديه/// الرشاش بيحمي غصن الزيتونا

على دلعونا وعلى دلعونا/// حنا انتفضنا وما بهدونا
من غزة انطلقت اول شرارة/// ولبت جباليا بهمة جبارة
استمدوا القوة من تشي جيفارا/// البريج الشاطئ مع بيت حانونا

هي يلي نازل من صوب الوادي/// إيديك بإيدي العودة بتنادي
والعوده بدها منا إتحادي/// نتحدى ونقتل جيش الصهيونا

لأكتب ع حجارك يا دير القاسي/// حبك قتلني والله مش ناسي
العودة قريبة يا أهلي وناسي/// نتلاقى إحنا والي يحبونا

طلعت مسيرة من وسط البيرة ///وصلت رام الله والهمة كبيرة
قادتها النسوة تهتف للديرة ///ولعيون بلادي دمي مرهونا

ع البيدر بدرس عالبيدر بدرس/// محمل جماله زيتون لقبرص
بالله عليكم ياللي في قبرص/// تردو غزالي يرجع لهونا

من خلف النهر مرت دورية/// معهم مجموعة فلسطينية
والطفل منا بقابل مية/// أما الفدائي تنعشر مليونا

ماطرح ماداست الارض اخضرت ///ومطرح مامشت نبت حنونا
ولما التقينا مثل الخلايل ///الحامض والحلو اصبح حلقوما

الهوا الشمالي زادك سمارا/// والوردة حكيت عنك اخبارا
يا فلسطينية سمرا ونوارة/// من غزة لعكا بدمي معجونا

من شرق الجامع لغرب الجامع/// و انت تناديلي و انا مش سامع
صوتك مخنوق و حالة و مدامع/// و أقول خسارة كانو يحبونا

يم التنورة بطنعشر لوني ///كُبا ديناري سباتي و بستوني
يشرب من قلبك نهر البردوني/// و يشرب من قلبي عسل يا عيونا

يا بو القميص اللي كمامه حمر/// ريتك عشيري عطول العمر
ان شا لله يسلملولي الشباب السمر/// لأته حبيبي اسمر اللونا

يا بو القميص الأزرق المقلم// السما ضحكتلك والبحر اتكلم
لما قالولي دكتور اتعلم/// يا ربي امرض تيحكمونا

سألتا الأسم قالتلي فلاني/// عشفافا ريالي و عالخد خناني
كل يوم و التاني بتاكل دباني/// و شو بتخاف يابا من الصابونا

سألتا الأسم قالت مياده/// حلوة و امورة فلسطين بلادا
كل يوم و التاني بفتح برادا ///بشبع مكدوس و خبز و زيتونا

سألتا الاسم قالت خديجة/// قلتلها سلاحك قالت اربي جي
قلتلا سلاحك قالت اربي جي/// مصوب عحدودك يا فلسطينا

سألتا الأسم قالتلي مريم/// بمدرسة المجدل قاعدا تتعلم
تشلح المكسي و تلبس لِمألم/// و تكتب i love you عالبنطالونا

نزل عالدبكة ومسكني بحده/// وشلحني المحبس الله لا يرده
والله لابعتله كلام يهده ///ان كنه رجال يقرب لهونا

سألت الأسم قالتلي نوسو/// قلتلا خدك قالتلي بوسو
قلتلا ابوك قالتلي دوسو /// قلتلا امك قالت حنونااااااااا

نزلت عالدبكه صارت تتلوى /// حرقت حشيشه قلبي من جوا
الله يهديكوا يا جنس حوا/// علمتو الجاهل غمز لعيوناا

بدي اخليها تلبس عالموضا/// لو قالوا العالم عم يعمل فوضى
ما بين عيونا في إلي روضا /// بدي خليها تلبس فيزوناااا

والله لحط الكرز الصينية/// حاجي يا سلطان تتطلع في
انت فراضي وانا جشّية /// واهلي لأهلك مش راح يعطونا

يا ام الغرة على اليميني/// تسوي واشنطن و الأرجنتيني
لو حبسوني بارض الصيني/// ما بنسا حبك يا نور عيونا

على دلعونا البنت الجشيه/// عم أهرب منها و بتلحق فيي
خدي يا ميسون مني الخبرية/// ما بقبل فيكي لو بيطخونا

يا ابو القميص الأزرق زراقي/// قرفت عمري وضيقت خلاقي
ولما ناوينا على الفراقي/// هاتو المحارم لدمع عيونا

عيونك يا ميسون ما أكتر دمعاتا/// دمعات عيونك وصلت سحماتا
سقت الأرض طلع البطاطا/// و جبناها نشوي على الكانونا

قعدت تمشط هي وعمتها/// 18 بكله مين يسلّفها
سعيد ومسعد ياللي موالفها/// في قصره العالي 12بلكونه

على دلعونا ومرت ما مرت// من وادي الكحل من عيني جرت
وان سمعت اسمي تلاقيها نسرت/// وان سمعت اسمك بتصير مجنونا

على دلعونا يابو الجدايل/// قضينا العمر عنك بنسايل
قلي من العمر قديشي ضايل ///حتى تنشوفك يا نور عيونا

طلعت عالجبل لتحوش شوبرق/// كردان الدهب بصدرا بيبرق
يا امي من وين أنا بدي امرق/// الحارة مليانة شباب مجنونا

عا طريق صيدا في حنفية/// مشروب الهنا للفدائيه
ليله حراسي و ليله دوريه/// و ليله عا حدودك يا فلسطينا

وطارت طيارة ومكتوب عليها/// فلسطين بلدنا واحنا اليها
نيال الشب العينو عليها /// إالو من شعبي طنعشر مليونا

على دلعونا وعلى دلعونا
وزيتون بلادي اطيب زيتونا
زيتون بلادي واللوز الاخضر
والمرامية ولا تنسى الزعتر
وقراص العجي لما بتتحمر
مطيب طعمتها بزيت الزيتونا

يا إم التنورة ودايرها أزرق /// ريته المتجوز بالبحر يغرق
ريته العزابي بالحضن يعلق/// سنة و6 اشهر و12 يوما

يا أم التنورة ودايرها كلفي /// شباب الضيعة عليكي مختلفة
سبع جرحى وسبعة بالفرشة/// وسبعة بالتربة عم يدفنونا

على دلعونا وعلى دلعونا...بلادي موجوعة اكتر ميكونة
بلادي بتتألم مين يداويها...بغربة شبابا وناسا وأهليها
ترابها عم بصرخ يلا نلبيها...ونرجع للارض الحضن الحنونا
بلادي يا بلادي يا بيي وامي...بسهلك وجبالك رح نرسم بسمة
لارضك رح نرجع هي منّا كلمة...والموت بحضنك اجمل ما يكونا

اجى لعنا وعالكرسي اتكا/// قلتله مخطوبة بلش بالبكا
اديش قلتلك بيروت اتركا/// يا ابن ستين الف مجنونا

على دلعونا حارتنا زغيرة/// من وعينا بنصون الجيرة...
ميسون جارتنا و ما إلى غيري/// يشحد عليها قدّام الكونا

يا بو القميص الأزرق بلفته /// التفت علينا بالسنة لفته
لا هي شقرا ولا هي شق اللفته /// ولا عيونا الزرق احلى من عيونا

بالعيد النادي الكل يهنيكوا///ربي بالخير يعيدوا عليكوا
ان شاء الله تتهنوا مع اهاليكو/// مع شوي اللحمة على البالكونا

بالعيد النادي الكل يهنيكوا/// يا ريت تتحقق كل امانيكو
والسنة الجاية بفلسطين نلاقيكو/// ايدي مع ايدك نقطف زيتونا

ويلي دلعونا و يسلملي تمك /// بنقط عسل دخيلا امك.
يا بنت الأصل و فلسطيني دمك. /// ارفعي راسك و تفاخري بالكونا

سلفيــــتي جايي يكتب قصايد/// من نار المنفى للشعب الصـــــامد
لا بد العودة اصحــى يا مارد ///اللـــــــه اكـبـــــر علّي خانونـــــــا

يا طير طاير احمل امانة/// سلم علّي من قلبه حيّاني
يا رب تحرس بنت اوطاني/// مثل الكنار تغني ميسووووونا

ويا طير الطاير من فلسطينا/// حاملي منها ريحة ياسمينا
جبلي معاك بالله شوية حنينا /// من الأقصى الغالي نور يكفينا

نادي سلطان الشعر والحانه/// كمال يغني الفن بالوانه
تا اسقي البحر بفكرة اوزانه/// تا ارقص اطياف الكونا

على دلعونا ويا ابن بلادي/// شو صاب الوطن من الاعادي
بالله يا شعبي تشدوا الايادي/// وعالغاصب كونوا نار الكانونا

رح اغني وأظل أغني/// فلسطين بلادي يا محلى الجنة
بغير الحرية ماني متهني/// ازكى من العسل حب الزيتونا

يا بنت بلادي ارفــــعي راسك/// بصدق انتمائك هوه اساسك
احترمي اخواتك وحبي ناسك/// يا رب نصرك على صهيونا

يا قمر ضاوي يا قمر ضاوي/// سلم ع البارد على البداوي
محترف يغني ويسمع الهاوي/// نبدا الدلعونا بحرف النونا

ابصد هجومــــــك وحدي لحالي/// لما بردّد نبرة مـــــــــــــــــــوالي
الحان الطرب يا الموج العالي/// وهديـــــــــــر المدفع يا يخوفونا

نشكر كمال على التحية ///عجبتني الفكرة فكرة قوية
فعلا الدلعونا بدها معلمية// والك الكاف من بعد النونا

من البداوي لبعت تحية/// للقدس ونابلس وللعزارية
مخيمات لبنان تبقى أبية /// لأرضي بلادي أرض الزيتونا

بلادك يا بنت صابتها مصيبة ///مثلا ما صار بجزر الكاريبي
ثلثين الرجولة صارت هريبة ///وع اقرب مفرق همّ باعونا

الفتنة حلّت بربوع الديرة/// وتاهت الأمة وكل العشيرة
نسينا الشهدا وبعنا الذخيرة/// يا جرح بلادي لو تسعفونا

النار اشتعلت شو بطفيها ؟؟؟/// بدها رجوله حتى تكفيها
وعيون الحسد شو بغفيها ؟؟؟/// هزتنا الفرقه وبيعذبونا

نحن ما بننسى الشهدا الي راحوا/// ويلي بستشهد وبايدوا سلاحو
ويلي بيوضع روحو على راحوا/// بنشيلو والله جوا العيونا

ببعث تحية حب وبرقيّة/// للمديـــــــــر العام وبعدّه خيّ
سامحني اذا غفلت عينيّ/// وانت في قلبي ومهجة العيونا

والله يا بلادي لا ما بننساكي /// لو شكوا القلب بألف شباكي
لهد الباب واكسر الشباكي /// وأرجعلك لو مهما يعذبونا

الشعب الصابر مش ممكن ///يهزم مهما بتعذب مهما بتالم
اسألوا حتى شعب المخيم ///والدم بيعجن كتل الباطونا

الشعب الصامد ضحى وما تأخر/// واسألو بصبرا وبتل الزعتر
ونضاله شعلة نار وما تأثر/// وكفى طريقه حتى فلسطينا

في تل الزعتر والرشيدية/// بقلعة لشقيف وبالنبطية
الدامور بينده والمية ومية// يا صبرا هاتي وين الهوية
صاح البداوي وين الفدائية/// يا نهر البارد عز وحمية
وين الكرامة اليعربية ///وين المواقف الرجولية
ذلّت العرب للصهيونية/// واحنا بدمانا بيغرقونا

والله السلفيتي عامل عمايل/// وبرش الدلعونا علينا نازل
وين الشبيبي وين المراجل/// وين البغنو على دلعونا

على دلعونا ويما لا تخافي /// الشباب محمية بنادي الثقافي
وحدنا الرب ومنهجنا صافي/// ورايتنا حرة يا فلسطينا

على دلعونا وشباب النادي /// شباب بتشبك معها الأيادي
عزم ومحبة وفلسطين بلادي/// والهدف واحد هو فلسطينا

شباب النادي شمعات بلادي/// وهمّ عدّتنا لدحر الأعادي
يما لأوطاني طاب استشهادي/// وفورا بلبوا يوم الجهاد
ثورة وحرية زادي وزوّادي/// نهجم ع الموت بوحدة أيادي
وسلاحي بايدي صبر وإرادة/// ارضي بقدسها حد العبادة
ولعيونا يغني الشحرور الشادي/// نتحدى الموت وما يركّعونا

والله يا سلفتي نورت النادي/// ومشاركتك معنا زادتنا ارادة
واحنا بنحملك السلام لبلادي/// احلى السلام لأرض الزيتونا

على الدلعونا لاكتب موضوعي/// ومن شذا حزني لامسح دموعي
حتى كلماتي خرجت عن طوعي/// من طول الغربه وال فارقونا

غني عالغربة وع حق العودة/// ع فراق بلادي شو ناشف عودي
حتى انها بكيت اوتار العود/// واصفرّت حت اوراق الليمونا

غربتنا طالت واسودّت دربي/// يا نار جهنم بحروف الغربة
من بعد النكسة 16 نكبة/// و بعد الشتات بيجمعونا

يا ليل الغربة ما أطول ساعاتك/// ودموع الأسى تبلل ليلاتك
يا شعبي ابق رافع راياتك/// واشفي الآم الأم المحزونا

وجراح الغربة ثارت ما تجلت/// عن حق العودة تخلت
وسفينة شعبي شو ما أقلت/// لا بد المرسى يا فلسطينا

سألوا عن اسمي قلت فلسطيني ///قرية ومخيم حتى المدينة
اسمي مش لاجىء اسد بعريني/// يا ارض القدس نور العيونا

" يا ليل الغربة ما اطول ساعاتك/// والخيمة تشهد ماابرد ليلاتك
واللاجئ يسمع نار اهاتك/// سهران ناطر يرجع لبلادنا

لا بد النصر والظفر مؤكد/// اصبر يا شعبي الحر المشرد
واللي يستشهد واللي مقيد/// زاحف لأرض الوطن بمليونا

قهر الغربة اشو وجعني/// ارجع ع بلادي ما حد يمنعني
لو فيكي تقولي الغربه شو بتعني ؟/// لازغرد بعدا موال جنونا

رح غيّر موضوع الغربة واتغزّل/// وانده بصوتي وبقلبي زلزل
ماني لاقيها تا افتح بالمندل/// والحب الاول لاسمر اللونا

والشب الأسمر يما فلسطيني// رافع راسه معليلي جبيني
غيره ما برضى بالمياديني/// شعّل نيرانه مين يهدونا

يا ابو القميص اللي ازراره حمر/// ريتك عشيري عطول العمر
ان شا الله بسلملولي الشباب السمر/// لانه حبيبي اسمر اللونا

همس الليالي بجبر الخاطر/// الجنرال يغني ابن الأكابر
لعيونك رايح افتح دفاتر/// وبشهد لك انك انت الشاعر
وكلماتي عندك شعر متناثر/// ورح رقّص رموش الساهر
جيت بحلقتكم مجرد زائر/// وع شط الدلعونا عابـــــــر
وميسون ترنم لقلب السامر/// يا ريت الهوى من حظي العاثر
وبيت الحبايب يا ريته عامر/// ع جمر النوى يوزع عنابر
ابستان العشق يا أسد الكاسر/// واللي ما يهوى من قلبه خاسر
وما فيّ اترك عينك واهاجر/// وابعد عن حبك أو مرة سافر
فتنتي روحي برمشك الساحر/// اوعى تتركني مجنون وحاير
إلنا مستقبل وماضي وحاضر/// ولما تؤمرني أقول لك حاضر
كرمال الأقصى وترابه الطاهر/// دمي مع روحي إلها مرهونا

انت محبوبة عشقي وهيامي/// والمعنى الأسمى بقصة غرامي
ميسون بشعرك وحيي وإلهامي/// وقدام الكلمة ينحني هامي
وجنرال يغرد أحلى الاسامي/// والو بردد جملة كلامي
واسمك ع خدي بالوجه شامة/// خليت الزيت بالمقلى حامي
حبيت بلادي ليوم القيامة/// لا بلفور ولا المندوب السامي
يا عين الصبر ما فيكي تنامي/// ما دام الحارس مجرم حرامي
مين اللي يغطي الشمس بغمامة/// وفي إلنا فيها عزة وكرامة
وحبك يا بلدي فيي متنامي/// حتى ترتاحي شديت حزامي
قالت شو بحب الشب العصامي/// وعيون الهوى ياما شدونا

بدي اتغزل بالوجه الصافي/// لوعني بوهجه حب ولطافة
شتت أعضائي بكل المنافي/// ندى وع أوراق الزهر غافي
بلادي البلسم للجرح كافي/// ما غيرا ابد بيكون الشافي
جيتك جنرال المعاني وافي/// وميسون تكيّل بالمعنى الدافي
مش قادراني ابعد وأجافي/// يا همة قلبي لا لا لاتخافي
لو كان المعنى بدو إضافة/// ترخص دماتي لأرضي المصونا

يا طير طاير سلم ع غزة/// ارض النبوة يا مهد العزة
ليلات الظلم بلزمها فزة/// ورقاب العدى نقطعها بجزة
متل الرواسي لا ما تنهزي/// ومتل العواصف على صهيونا

اقلب موضوع الغزل غنيلي/// وصب المعاني وغني يا ليلي
في ناس بتسهر على النارجيلة ///وما عندا حتى أي وسيلة
وانا معذور وتايه دليلي خيال/// المهرة وهربانه خيلي

يا يمة الغربة طعما ما مرّه/// من يوم السافر ما شفتو مرا
لفين إبباريس دربا و ممرا/// ما عرفنا اخبارك يا نور عيونا

الله يحييكم جنود اشاوس/// كل واحد فيكم بالف فارس
كل واحد زندة لبلادة حارس/// حتى تتطهر ارض فلسطينا

بلادي بعدامن بيي وامي/// ولما بتنادي نشحذ الهمة
بفديها بروحي واولادي ودمي/// والقدس بتصرخ يا مسلمينا

حطيت بقلبي لألك بصمة ///من يوم قريتك ضيعت الكلمة
انت من بلادي التلة و النسمة /// و يا محلا تلالك يا فلسطينا

مجلس الأمن استنفر قواته/// جايي عالعالم يعرض عضلاته
وهيئة الأمم مع حلف الناتو/// الله يبليهم هاللي بلونا

بلادي الجميلة نســّم هواها ///نعتز بسناها وفيها نتباهى
وايدينا يلي ترفع لواهــــــا/// وفجر الحرية ينور الكونا

يسعد صباحك يا بلاد الحرة/// واللي يعاديكي نسقيه المرة
ابدا ما نساوم حتى ع ذرة ///و ترخص الدما لفلسطينا

عن حوار الدخان بين السلفيتي والجنرال والمدير

خيا كمال ويا ابن السلفيتي/// جيب السيجار وهات الكبريتة
سهرتنا تطول وتحلى حياتي/// وبموقع النادي ندلعن دلعونا
شرب السجاير خرب الصحة/// جاب الهزال وأنواع القحة
خلى ا بصوت الرجولة بحة/// روايح فاحت بأبشع لونـــا

سيبو السيجارا يرضالي عليكو/// هادي ايدنا منها ايديكو
ما فيني اترك اذا انتو فيكو/// فيها المخمخة على البلكونا
شرب السجاير ليالي طويلة/// خلت أجساد القوة هزيلة
نادي للأهل ونادي القبيلة/// يشوفوا هالحالة شو وصلونا
شرب الارجيلة بقلب الحاكورة/// مع كاسة شاي وقطعة نمورة
شوية مخلوطة وتحت الزعرورة/// بتسوى المعمورة يا نور عيونا

يا طفل صغير وماشي في الحارة/// تتعجب لما تشوفه حامل سيجارة
خسارة شبابه يا الف خسارة ///خوفي يدلل على الافيونـــــــــــــــا

حلوة النصيحة وكمال الرائع/// انا معاك وكلامك سامع
وقت الاركيلة غير وقت الجامع/// الاهم الصلاة الله يهدينا

هاتولي حروف الشعر واوصافها/// وبحور الزجل عندي احترافها
نار الارجيله انا قلبي عافها ///وموضوع جديد ودرة مكنونا

وبلكونة جاري يا عيني عليها/// فيها تربينا واشتقنا ليها
الله يجمعنا من تاني فيها/// مع الاحبة بين اهالينا
وعدي لالكم امشي بالطاعة/// على نهج الهادي واطلب شفاعة
طريق الصحابة وسنة وجماعة/// ويا رب اتمنى اشوف الجنة

السلفيتي واعلانه التحدي بالدلعونا

نادي الجنرال وجميع اصحابه/// ومعه سلطان يفتّح ابوابه
وميسون تنادي حضرة جنابه/// مين بيفزعلا بعرك الطاحونا ؟

ندعي للعلم ونرفع اعلامو/// وامه العرب شومالن ناموا
الشعب المتعلم وجب احترامو/// وبنهج اقرأ خضنا المنونا

ولعت حروف الكلمه وافكاري/// وعمرت اركان العلم لداري
في فرق بين البايع والشاري/// ونجوم السما تنور الكونا

جردت السيف بايدي والساعد/// سليت وسحبت اللي صوبي وارد
استنفرت الكلمه والمعنى شاهد/// حتى الدلالــــــــة ما بيكفونا

جايي السلفيتي ع ظهر الابجر/// يصحي الكلمه وما عمره بخسر
سلاحي بقلبي اللـــــــــــه اكبر/// وجيوش اللغه ما بلقّونا

الدلعونا عندي فنجان القهوة/// والمعنّى صارت اهزوجه حلوة
ما بدي ابارز صاحب الكبوة ///وابن منظور يسلم من هونا

افتح المعجم وابحث في حروفو ///اسمي بيلمع ع فوق صفوفو
الذيب ان هجم يولّي خاروفو/// والراعي يبكي شو وقعونا

ميسون بترجف والدمعه بعينها/// يا رب سلم يا رب عينها
وين اللي حولا مو مساعدينها/// ولحالا صارت يم الدلعونا

مين بيفزعلك مين اللي يعاون/// من اول ضربه يا خوفي يهادن
كلماتي ذهب بين المـــــــعادن/// وكلماتك متل خرخش بلونا

هاتوا دلعونا عالوزن وغنوا/// تا اشوف الواحد شو بطلع منو
الشاطر يظهر قلاييد فنوا/// تا تحلى السهرة باحلى لفنونا

سلفيتي جاهز لكل المواقف/// متل الرعود ومتل العواصف
خلي للكلمه طعم الكنايف/// واللحن بوزن 16 طونا

ميسون يا ميسون لا تشوفي حالك/// انتي يا عيني تخافي خيالك
و لما بسحبو لسيفي قبالك/// من لمعة سيفي ما تهربينا

واحنا بلشنا واحنا بلشنا/// ميسون بتنوي انها تخربشنا
و ع طول المدى عرشنا/// وتحنان القلب يا زيزفونا

سلطان بيعرف رجفات عيونك/// ومن اول حرف بتغير لونك
لما فليتي وجن جنونك/// سلطان يداوي ويحكي لاقونا

سلطان بيقدر يصلح الكلمة ///وتشهدة حتى الليلات العتمة
وانتي فريتي من اول هجمه/// قولي وينك يا ست ميسونا؟؟؟

رقية بنعزمها بلكي تا تشارك/// وانو تشاركنا بهالخطوة نبارك
الدلعونا كانت سيد المعارك/// وحتى العتابا زيت وزيتونا

سلطان الطرب تؤمر ع راسي ///اجبلك زيتون بحبة احساسي
وسلال التين باهلي وجلاسي/// وكلمات الشاعر بيطربونا

زيت الزيتونا ريحتو عا كمّي/// و الطعمة يما بعدا بيتيمي
بنورو يضويلنا كل ليلة العتمة/// قبل ما تنامي عيني ميسونا

ارضاء ميسون بعد ما زعلت

مالك ميسون عصبتي اهدي/// لو بايدي لاجي واقدملك وردي
سلامي الطاير هذا من عندي/// يا تمر هندي وانا المديونا

يسلملي راسك تسلملي عينك/// و هاي مني بوسه ياخي عجبينك
صدقني ياخي لو حد يهينك/// بقطعلو راسو و بعميلو عيونا

خيي سلطان اتوصى لي بيها/// وامسح بايدك دمعة عنيها
بنت المخيم الله يحميــــــــها/// ولا يزعلوا اللي كرمونا

وعلى دلعونا وعلى دلعونا /// هادا السلفيتي واحد موزونا
وسلطان الاسمر اسمر اللونا/// اتفقوا علي سود العيونا

سلطان الشعر والشاعريه ///يا اغلى من روحي الك تحية
ووردات العشق المخملية/// ينسم هواها من هون وهونا

ميسون اتهدي وحيلك بنشدوا/// يا ريت الاسمر نعرف شو بدو
سلطان عيوني وروحي بعدو/// وانت بحروفك بيعلقونا

ميسون بتكتب والحرف مشقلب/// كل الدلعونا علينا مقلب
للنسر ان حلّق 16 مخلب/// مش حجلة ورقصة مثل مادونا

يا ريت تقولي ويا ريت تقولوا ///لسانك ميسون مقصر ذهولو
كمال بيضرب ركلة فطبولو/// عجز يقلدها حتى مارادونا

ميسون البنت الحرة الابيه/// وبيكفي انها فلسطينيه
كـــــــم بنت ابتسوى 100/// وكــــــــــــم الف لا يعدونا

ميسون بروحي ودوا الجروحي/// يا ريحة مسك منها بتفوحي
والها عليت وبنّيت صروحي/// تكرم عيونك طير الحسونا

ميسون الادب والخلق الراقي/// والوعد الصادق الحر الباقي
ع فراق الاهل جفوا السواقي/// يا رب تلم الشمل المصيونا

دخول المدير على الخط وقبوله تحدي السلفيتي

سلفيتي طول بالك علي/// نحن كمان ملوك الغنية
وان كنك بالفن بتوزنلك مية/// نحن عم نطبش 12 مليونا

قلي يا فاتح باب التحدي/// رح تلقى عندي 16 ردي
خد النصيحة من الاول هدي/// ليصبح خبرك بالتلفزيونا

اذا طلع خبري بالتلفزيوني/// بتكون الكلمة الحلوة المزيونة
او يمكن متلك بالعين صابوني/// لما اتهدكو وهمي يحاولونا

وين الشبيبه تغني معانا ///ومين بيتقدم يرفع لوانا
اذا هزمونا بنحلق لحانا ///وبنخلي الاكلة علبة التونا

بدي اذكرك بحلقت دقنك/// أنا خايف عليك لينزل شأنك
خفف سلفيتي انا بلقمك/// كلمة ورا كلمة كيف تغنونا

ذقن الرجوله مين بيحلقها ؟؟؟/// والكلمه لساني خيو ناطقا
وقادر للعركة اني اطبقها ///وتير تصرخ شو وقعونا

لما تتحدى خليك كون رايق/// واسمع من تمي الفن الائق
انا ممكن ردي اخليه فائق/// لكن بتدلع لتلعبونا

واحنا بلشنا واحنا بلشنا/// ميسون بتنوي انها تخربشنا
و ع طول المدى احناعرشنا/// وتحنان القلب يا زيزفونا

انت بلشت وانا خلصت/// ويلي متلك من زمان طنشنت
انت عم تسمع شريط الكاسيت/// ونحن من راسنا بنالفونا

والله كل كلمه كنت بغنيها/// اني صاحبهاوالي معانيها
وما عندي مكسر غير اخليها/// تناطح السحب وانوار الكونا

سلفيتي بساحة ميدانه الفارس/// وبايدو يحرق الاخضر واليابس
احذر اللليل والبرد الحابس/// وجمرات النار بعز الكانونا

ارضاء ميسون بعد ما زعلت

مالك ميسون عصبتي اهدي/// لو بايدي لاجي واقدملك وردي
سلامي الطاير هذا من عندي/// يا تمر هندي وانا المديونا

يسلملي راسك تسلملي عينك/// و هاي مني بوسه ياخي عجبينك
صدقني ياخي لو حد يهينك/// بقطعلو راسو و بعميلو عيونا

خيي سلطان اتوصى لي بيها/// وامسح بايدك دمعة عنيها
بنت المخيم الله يحميــــــــها/// ولا يزعلوا اللي كرمونا

وعلى دلعونا وعلى دلعونا /// هادا السلفيتي واحد موزونا
وسلطان الاسمر اسمر اللونا/// اتفقوا علي سود العيونا

سلطان الشعر والشاعريه ///يا اغلى من روحي الك تحية
ووردات العشق المخملية/// ينسم هواها من هون وهونا

ميسون اتهدي وحيلك بنشدوا/// يا ريت الاسمر نعرف شو بدو
سلطان عيوني وروحي بعدو/// وانت بحروفك بيعلقونا

ميسون بتكتب والحرف مشقلب/// كل الدلعونا علينا مقلب
للنسر ان حلّق 16 مخلب/// مش حجلة ورقصة مثل مادونا

يا ريت تقولي ويا ريت تقولوا ///لسانك ميسون مقصر ذهولو
كمال بيضرب ركلة فطبولو/// عجز يقلدها حتى مارادونا

ميسون البنت الحرة الابيه/// وبيكفي انها فلسطينيه
كـــــــم بنت ابتسوى 100/// وكــــــــــــم الف لا يعدونا

ميسون بروحي ودوا الجروحي/// يا ريحة مسك منها بتفوحي
والها عليت وبنّيت صروحي/// تكرم عيونك طير الحسونا

ميسون الادب والخلق الراقي/// والوعد الصادق الحر الباقي
ع فراق الاهل جفوا السواقي/// يا رب تلم الشمل المصيونا

دخول المدير على الخط وقبوله تحدي السلفيتي

سلفيتي طول بالك علي/// نحن كمان ملوك الغنية
وان كنك بالفن بتوزنلك مية/// نحن عم نطبش 12 مليونا

قلي يا فاتح باب التحدي/// رح تلقى عندي 16 ردي
خد النصيحة من الاول هدي/// ليصبح خبرك بالتلفزيونا

اذا طلع خبري بالتلفزيوني/// بتكون الكلمة الحلوة المزيونة
او يمكن متلك بالعين صابوني/// لما اتهدكو وهمي يحاولونا

وين الشبيبه تغني معانا ///ومين بيتقدم يرفع لوانا
اذا هزمونا بنحلق لحانا ///وبنخلي الاكلة علبة التونا

بدي اذكرك بحلقت دقنك/// أنا خايف عليك لينزل شأنك
خفف سلفيتي انا بلقمك/// كلمة ورا كلمة كيف تغنونا

ذقن الرجوله مين بيحلقها ؟؟؟/// والكلمه لساني خيو ناطقا
وقادر للعركة اني اطبقها ///وتير تصرخ شو وقعونا

لما تتحدى خليك كون رايق/// واسمع من تمي الفن الائق
انا ممكن ردي اخليه فائق/// لكن بتدلع لتلعبونا

واحنا بلشنا واحنا بلشنا/// ميسون بتنوي انها تخربشنا
و ع طول المدى احناعرشنا/// وتحنان القلب يا زيزفونا

انت بلشت وانا خلصت/// ويلي متلك من زمان طنشنت
انت عم تسمع شريط الكاسيت/// ونحن من راسنا بنالفونا

والله كل كلمه كنت بغنيها/// اني صاحبهاوالي معانيها
وما عندي مكسر غير اخليها/// تناطح السحب وانوار الكونا

سلفيتي بساحة ميدانه الفارس/// وبايدو يحرق الاخضر واليابس
احذر اللليل والبرد الحابس/// وجمرات النار بعز الكانونا

دخول الجنرال

لما الجنرال ينزل يتحدى ///بساحة المعنى ما حدا قده
ملوك وعن عرشا بتنزل تتردى/// وبدار العز بيبقى المزيونا
جنرال الفيلق كمل مشوارك/// تا نعرف وين تصفي اخبارك
اوعى تستسلم ومالك اعذارك/// خوفي تنسحب وتقول اعينونا

سلفيت سلفيتي اسال علينا ///كل الخليقة تعرف ماضينا
ما نهاب الموت ومين يعادينا ///ولما بنتحدى قدها يا اخونا
قادر للكلمه الاعبها بكفي/// تا منك اسمع كلمه بكفي
الطير المكسورة ما فيها رفه/// وما فيها لحمه تعبي الصحونا

طبعا ميسون انبسطت بدعم الشباب فرد

بسرعة ميسون تلمي اوراقك/// وانت من الاول مرسوم فراقك
الكلمه عندي 16 طابق/// والحان النغمه متل الباطوووونا

وبعد أن صحح للسلفيتي بيت دلعونا J

بلش يلخبط بلش يتوتر/// لما الغضنفر عليه استنفر
انصحو يلا يروح ويتبخر/// احسن ما نصبو بعامود باطونا

ظلك اتامل ظلك اتامل/// تا تعرف انك حلقة بمسلسل
حبرات القلم عليك مسجل/// اوعى تتعجل حتى بولونا

مني مستعجل أنا هادي ورايق/// وللي متلك انا دايما فايق
رح خليك تتمشي وعيونك باقق/// ولسانك يوصل للأرجنتينا

اتحدى العالم يعصر خميرو/// ويطلع لو متلي بجرة تفكيرو
وانتو لو فيكم تا تستعيروا ///المعاني مني حتى عجلونا

والله يا سلفيتي عليك كبيرة/// نحن العجينة ونحن الخميرة
بدك سنين وتوصل تفكيري/// نحن اسسنا فن الدلعونا

خبرك بايدك موجز اخباري بصفحة تعازي عليك يا ناري
او نشرة جوية ولعبة اتاري بتمرق بالسيرة بيضحكونا

مشواري طويل وبعرف قراري ومش من معركة بتموت خباري
الكل بيعرفني فارس مغواري لا زجل بخسر ولا دلعونا
ابحر الهادي والاطلنطيك شوية شوية بلاعب فيك
وعين الطفوله لما تغفيك ع خدودك ارسم ورد وحنونا

هذا المدير ويسلملي طوله من ورا الجبل طلت خيوله
و16 ظابط تحية اعطوله ابو الخدود اليترقوصونا
والجنرال الو تحية لانو سندي وقلبي وعينية
رش العتابا مع التحية مع لحن جفرا ولحن الدلعونا

مدير الموقع عين الله تحرسك جنرال الساحة يمسكلك فرسك
اذا السلفيتي دلعن عطرفك عندي دباره بضربة دلعونا
يابحور الشعر غني مواويلي الصاع بصاع وعندي دليلي

اسال روابي ارض الخليلي وباي حالة منها الكينونا

وسلفيتي لا تستعجل الهزيمة الجنرال والمدير عليك دزينة
كلام وشعر عيارات ثقلية واهرب من هونا قبل المنونا
جنرال اتهدى وشويه شويه فرسك لنزال العركه القوية
وعمرا الدمات ما صارت مي قلبين بجسد بيحسبونا

مراد القصة هو التحدي يا اما ترضى او منك قدي
ويا كل حروفي يلا استعدي خلينا نكمل بأغانينا
قد التحدي وقد قدودا وبتعرف انا رجال البارودا
ومن عنا الكلمه كانت معدودا ولما غنينا كانوا يعدونا

السلفيتي يهدأ الأوضاع

جنرال اتغنى بالامر الواقع تا نحكي القصه من روح الواقع
بيكفي انهم كتروا المواجع واحنا تشتتنا وما جمــّعونا

استهدي اشويه وغني ع مهلك انا فلسطيني ومتلي متلك
اهلك هم اهلي واهلي هم اهلك والعدى واحد اسمه صهيونا

كمال يا كمال حبك ضروري انت صفوري وانا صفوري
مدير الموقع اخوي وجاري وانا بامرك يا ضي عيونا
لميت جراحي والمنفي ينادي يا وحدة شعبي يوم التنادي
لا يمكن يقهر ابن الارادة لو ذاب العظم جوة السجونا

وميسون انبسطت انو مرقت على خير

وعلى دلعونا وعلى دلعونا قلب الصفوري دايما حنونا
اهل الجش أوعى تنسونا ومعها يافا وكل فلسطينا
والله يا سلفيتي انتا فلسطيني وهاد لوحدو الي بكفيني
حتى لو تدبح بامضى سكينة بتبقى منورنا يا نور عيونا

ما فيي اذبح لابن بلادي تا قدم دمي والورد النادي
نمضي سويه على الاعادي ويوم التنادي رح تلاقونا

هاد الكلام الجميل الواضح وسيفنا عرقاب الاعادي جارح
مهما تشردنا بكل المطارح بنبقى حبابيب وقلب حنونا

هذي اصولك نعرف اخبارك ابن الكرام وعالي مقدارك
بدرب الكفاح وكمل مشوارك وحنا معاك وضد الصهيونا
اتاخرت اشويه وبكرة بنكمل ونعست عيوني والنوم استفحل
احفظوا الدرس بكرة من الاول يرحم ابوكم يرحم ابونا

وتنتهي هذه الحلقة بخير وسلام

للمدير العـــــــــــــام ببعث سلامي والحمد لله بختم كلامــــــــــــــــي
دوما بعجبني الشب الهمامي يهجم ع الموت ولا يهابوناااااااااا

والله يا كمال اني بشهدلك بلحن الدلعونا ما شفت متلك
بتعرف تالف وبتعرف تكتك ولحن كلامك دايما موزونا

يا شمس غيبي يا شمس غيبي كمال جينرال المدير حبيبي
بقول لعيوني يا عين لا تصيبي ..شباب بلادي احلى ما يكونا

لكن يا كمال لازم تتذكر انك بارض الزيتون والزعتر
وآكل من خضرة الرمل الأسمر وهذا البيعطي كلام مزيونا

الدلعونا نغمة حبي وتراثي وبغير الوطن مالي اكتراثي
ترابا المقدس سكني واثاثي وحبات الزعتر هي راس المونا

وضلك يا كمال بفنك فاخر وبارض الوطن والشعب الثائر
وتربية اهل كبار واكابر الربو ولاد بحب فلسطينا

الله يحميكو شباب بلادي مصوبين سلاحن على الأعادي
كمال بيكتب مدير ينادي الجنرال يغني على دلعونا

يلي تحديتو و زدتوا الكلامي .. دماتي الحبر و القلم عظامي
ما بيني و بينكم في انسجامي .. تعودنا نحنا نقول الدلعونا

يا عيد الاضحى يا عيد الاضحى انده بالصوت تا العالم تصحى
ريحة اوطاني بالعربي الفصحى اغلى من الدرة وخزنة قارونا

قلبي قدمتواالكم هديـــة ويا شعبي الصامد انتا الضحية
عهدا يا ارضي الحرة الوفية نصبرتـــــا نطرد يلي خانونا

سلطان الفكر والعبقرية يغني معانا بفرحة شعبية
على الدلعونا والشمالية المدير العام بيسوى تريليونا

سلطان تملـّك عبرات انفاسي يضحي ما بدو حكم الكراسي
يا جرح الوطن ابد مش ناسي ويا سنين العمر لو ابعدونا

بين الاخوّة ما في تحدي ولا فرقة تحرق ولا تعدّي
يا موج البحر لو فيك تهدّي ع شط اللقا لو ترسينا

احباب العمر يا يما راحوا وقلبي لملوع زادت جراحو
واللي للحمى همّ استباحوا الله يلعنهم يلي باعونا

نادي الشباب ونادي المشايخ وبصوت الفدى للعزة صارخ
حبك يا وطن بالقلب راسخ ونسور بقوة تقحم الحصونا

جاي الدلعونا وعندي هواية تا منها تمل وترفع الراية
بايدي الريشة وحبر الدواية سطرت حروفي 12 ماعونا

واحنا احتلتنا عصابة دخيلة صرلا كيان واسمو " اسرائيلي "
حانت ساعتها بطير ايابيلي ربي يرميها بوخز الطاعونا

نموت ونحيا لاجل وطنا وابني من بعدي بعزة يتهنى
شرعنا البيرق وروس الاسنة ويبقى موطنا حر ومزيونا

خلونا نغني لحن الاصالة ولبلادي فعلا يرخص الغالي
بلادي حياتي وهي راس مالي يلي سافرتوا لا لا تنسونا

حملت حرابي وجديت دروبي تا رد الارض الحرة المسلوبة
خربت الدار ان لحقنا روبي او نانسي عجرم ولأّ مادونا

عقدنا النية شدوا الزنودي تـــــــا منا نفتح ابواب العودة
مش ممكن ترجع الا ابارودة وندك حصون الغزو الملعونا

حيي للشاعر سلطان وافكاره واهله واصحابه، ذهب بقراره
لو نوى مرة يفجر ل ناره طوفان الزجل نبعة دلعونا

ابتسام تغني ومعها رقية تعالوا شوفوا يا عالم هيّا
خلوا للطلعة معاني وهيّ واخر حلاوة شعر موزونا

ابتسام تألّــف ورقية تهاهي فعلا فنّيّا ما فينا نضاهي
الله تسترنا هي يا الهي خوفي عالدبكة لا يسبقونا

و بمجلس لامن يا خوي نادي .. غصن الزيتون و إيدي عزنادي
و شو نفسي انا دوق الشهادة .. عا أرض ترابي بين الزيتونا

نحنا لكل بلادي غنينا .. الإصالة طلعة من أغناينا
و جفرا بالدبكة مسكت أيدينا و نحنا غنينا على دلعونا

شفت عشفافا السمرا ابتسامة .. قبل ما بلش معا كلامي
رقية تهاهي لإبتسامِ .. و تقولها يلا نألف دلعونا

ابتسام بتدبك محلا دبكتها و رقية زادت بحلاوتها
و لما يا كمال ايدي شدتها ..حتى نتلاقا بدبكة دلعونا

على دلعونا ويا الشب الماشي من جنب الحارة وحامل رشاشي

شفتك يا عمري معبي الشاشة وعالغاصب هاجم يا اسمر اللونا

» من أجمل أغاني زمان أختار لكم..
» أغاني وألعاب الأطفال في التراث الشعبي الفلسطيني