هذه ريما من ظلال السحاب تستصرخكم التخفيف عن كاهل المواطن.. حرام.. انهرينا انهرينا. انهرينا تعب ومصاريف!!!
شوفوا كم خطوة مكلفة لازم يعملها المواطن اللي معاه تأمين سلطة وبدها السلطة تعالجة على حسابها عشان وضعه المالي مش جيد:
* هذه التحويلة خذيها لمكتب التحويلات
اللي في الجبل اللي هنااااااك..!
( هاي طلب رايح وطلب راجع)
* وقعولنا هالورقة من الدكتور الوجود في المشفى
الموجود عالجبل هذاك...!
( هاي طلب رايح وطلب راجع)
* جيبولنا ورقة سريان مفعول من الصحة اللي في الجبل التاني اللي هناااااك عالناحية التانية...!
(هاي طلب رايح وطلب راجع)
* طيب الآن ارجعي على العيادة اللي كتبتلك التحويلة عشان تحديد موعد مع المشفى اللي حولوكي عليه في القدس..!
( وهاي طلب رايح)
* وبعد هيك اعملي معاملة وروحي على الارتباط عشان تعملي تصريح..!
وارجعي مرة ثانية في اليوم التالي لأخذ التصريح ومن ثم الذهاب الى المشفى المقصود..!
بدي أسألكم الآن..
دوخة والا مش دوخة ؟؟؟
والله بنقلب راس الواحد وبتتكسر ضلاعه وبصير في دور كتير زحمة عند دكتور الدسكات والروماتزم يا ناس :( !!!
طيب ليش ما يزيحوا كل هالمؤسسات اللي بتلزم المواطن منهم اوراق وتوقيعات في حارة وحدة ؟؟؟؟؟؟
ليش مخليينهم كل مؤسسة على جبل ؟؟؟؟؟؟؟!
الى هنا.. والباقي عندكم
ومعم ريمة ما زالت تعاني الألم..
وتحاول مداواة الجرح...!
*
كان هذا أحد منشوراتي
همس الأثير أو ريمة
.