اضحك معنا محدش واخد منها حاجة

صعيدي قاعد عالشط شاف واحد بيغرق

كل ما يرفع ايده يقوله

عليكم السلام

--

واحد و مراته بيكرهوا بعض

مسافرين بالعربية

عدوا على مزرعة بقر قالها:

يقربولك دول؟

قالتله : أيوة أهل جوزى

--

مدرسة روضة قالت لتلميذ عد لخمسة و أديك بوسة ... راح قالها طب أعد لعشرة و نسهر سوا

--

واحده مصريه سافرت اسرائيل ورجعت حامل قالت لجوزها ابسط ياعم جبتلك اسير يهودى

اتنين مساطيل واحد بيقول للتانى هو لو خنتك مع مراتك نبقى نسايب قاله لا نبقى خالصين

--

واحده قالت لجوزها بمناسبه 25سنه على جوازنا ادبح خروفين قالها وايه ذنب الخروفين فى غلطه ارتكبها الحمار

--

سواق قتل 60 واحد في حادثة.... لما سأله الظابط ليه قتلتهم؟ قال له كنت ماشي وبعدين فجاة العجلة ضربت منى ..ولقيت على يميني فرح وعلى شمالي راجلين ... ادخل في مين ؟ قاله الظابط ادخل في الراجلين.. قاله م انا دخلت في واحد والتاني دخل الفرح .... اسيبه

--

مرة جماعة راكبين عربية أجرة و مسافرين و السواق عمال يجري بسرعة قوي

واحد قاله ياعم هدي شوية

السواق قاله: بتفهم في البيجو

قاله: لأ

قاله: طب اخرس

سرعة العربية عمالة تزيد فواحد تاني

ياعم هدي شوية حتموتنا معاك الله يحرقك

السواق زعق: بتفهم في البيجو

قاله: لأ

قاله: طب اخرس

السواق عمال يجري فواحد تاني

ياعم انت حتموتنا

قاله بتفهم في البيجو

قاله أيوة بفهم في البيجو

قاله طب تعالى وقفها

--

واحد بخيل عنده اربع حيطان دهن واحده منهم باللون الاصفر والباقى كتب عليهم نفس اللون

--

واحد دخل فندق 5 نجوم كان في فرح وهو كان عايز يروح دوره المياه فبيسأل واحده في الفرح وهو مكسوف جداًً ... وبيوشوشها في ودنها لو سمحتي التلاوَت منين ؟؟

البنت ضحكت وقالت : قصدك التواليت ؟ .... من الناحيه التانيه

فراح لف وشوشها في ودنها التانيه : التلاوَت منين؟؟