أبو عبدالله المدير العام
الأوسمة :
عدد المساهمات : 3550 نقاط : 58254 السٌّمعَة : 6 تاريخ التسجيل : 30/10/2010
| موضوع: سيادة المخلوع.. ارجعلنا.. للشاعر الكبير أحمد فؤاد نجم ؟ الجمعة أغسطس 05, 2011 6:24 pm | |
|
سيادة المخلوع ... ارجعلنا
مش انت واحد مننا ؟؟
و عمرك في يوم ما سرقتنا
...ولا خدت مليم مننا
ما تيجي طب ترجعلنا
تقعد بأهلك وسطنا
أهو مرة تاكل أكلنا
وتلبس يا خويا من لبسنا
وتعيش في حارة او في شارع زينا
قلت ايه ؟؟ يا حارق دمنا
سيادة المخلوع ... ارجعلنا
وغداك يا سيدي عندي أنا
رز و بطاطس مسرطنة
لحمة ؟؟... مفيش من سنة
فاكهة ؟؟... تعيش انت و أنا
و الشاي .. بآخر معلقة م السكر اللي كان عندنا
اشرب و فوق وركز بقه .. علشان نكمل حكينا
سيادة الرئيس ... ارجعلنا
مش سبت الحكم .. لأجلنا ؟؟ـ
ما تيجي تسمع حكمنا !!ـ
أفكرك ؟؟ ولا انت فاكر زينا
قطار اتحرق من كام سنة
وغازنا اللي طار من أرضنا ... لعدونا
وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا
ومركبة بأحلى شباب ... ييجوا من ايطاليا غرقانين .. والقرش ياكل لحمنا
والله كانوا زينا
ويمكن أحسن مننا
لهم بيوت و ولاد و عيشة و حلم .. زي حلمنا
اتغربوا و اتبهدلوا .. لما الفساد طال كل حاجة في أرضنا
واللي ما ماتش .. قاعد في غربته .. والغريب بيذلنا
اقول كمان ؟؟ ولا كفاية ... و اهو انت عارف عننا
أصبر هتسمع حكمنا
سيادة الرئيس ... ارجعلنا
ولو انت واحد مننا
فعلا يهمك أمرنا
بينا عالنائب العام .. تفتنله على ولاد الحرام ... مصوا بلدنا و دمنا
و افتن دي فتنة مش حرام .. ده حقنا
دا لو انت واحد مننا
أصبر هتسمع حكمنا
سيادة الرئيس ... ارجعلنا
اقعد معانا و زينا
هعرفك .....ـ
دي (أم خالد) أمنا
ودول أهل (سالي) أهلنا
و(عمر بن بنونة ) إبننا
فسر و احكي و قللهم .. و قللنا
واستسمح الروح اللي منورة في الجنة عند ربنا
هتقول مكنش قصدنا ؟؟ـ
دول ماتوا غصب عننا ؟؟ـ
كداب و فاجر .. و اللي يصدقك زيك .. والكدب ريحته منتنة
تتشل إيد اللي ضرب ،، و اللي أمر ،، و عليكوا لعنة ربنا
أصبر هتسمع حكما
أيوه بقول ارجع لنا
ياللي سرقت حلمنا
وغربتنا و نهبتنا ... و في كل حتة أهنتنا
إحنا اللي سال دمنا
في الأربعين و اسكندرية و التحرير يشهدلنا
آدي القفص ... أقف هنا
والشعب يحكم .. مش أنا
صدقني ... هي بينة
من فوق سبع سماوات .. قالها ربنا
العين بالعين والسن بالسن ... و هو دا بقه حكمنا ... و مفيش غيره عندنا
عدل سابقا من قبل أبو عبدالله في الجمعة أغسطس 05, 2011 9:39 pm عدل 2 مرات | |
|
همسُ الأثير وسام التميز من الدرجة الأولى
الأوسمة :
عدد المساهمات : 1544 نقاط : 52386 السٌّمعَة : 3 تاريخ التسجيل : 30/01/2011
| موضوع: رد: سيادة المخلوع.. ارجعلنا.. للشاعر الكبير أحمد فؤاد نجم ؟ الجمعة أغسطس 05, 2011 7:29 pm | |
|
الله أكبر!!!!!!!
ربنا يصبركم ويكون بعونكم يا أهل مصر الجدعان..
حياخد بتاركُم ربنا..
وتعيشوا عيشة بالهنا..
وتترحموا على شهدائكم أرواحهم حزمة من سَنا..
وتنوّروا شمع الوفا ليهم ولكل من بَنى..
هو ده أصل الحكاية ودي أصول الجدعنة..!
رائعة جداً وفتحت آفاقي للكتابة بهذه اللهجة الرائعة وهذا الأسلوب السهل والبسيط والقريب من نفس االقارئ..!
ممتعة جداً.. ومعبرة جداً عن شعور شعب عانا وناضل ووصل إلى ما كان يصبو إليه..
الله عليكي يا مصر.. الله عليكي !!!
ألف شكر ليك يا أخ أبو عبد الله على هذه الروعة التي نثرت هنا..
تحياتي وتسلم الأيادي
| |
|
أبو عبدالله المدير العام
الأوسمة :
عدد المساهمات : 3550 نقاط : 58254 السٌّمعَة : 6 تاريخ التسجيل : 30/10/2010
| موضوع: رد: سيادة المخلوع.. ارجعلنا.. للشاعر الكبير أحمد فؤاد نجم ؟ الجمعة أغسطس 05, 2011 9:45 pm | |
| بارك الله فيكي اختي همس الأثير
سعدت بمرورك وترك بصمتك الرائعة هنا | |
|